Альгерд Бахаревіч. "Бывай, МУРГІН НУТЭНУТ, або літоўскі сэкс па-чукоцку"
«Дзіўна, але кнігу чукоцкага аўтара Сяргея Тымнэттыкая, якая выйшла
сёлета ў выдавецтве Андрэя Янушкевіча і якую я працытаваў вышэй, у нас
мала хто заўважыў. У кніжцы два невялікія, сюжэтна злучаныя раманы:
«Московский автономный округ, или на краю Чукотки» і «Город Менск».
Дзіўна, бо і вокладка глянцавая, і напісаная кніжка як для свайго жанру
дык проста бліскуча, ды і жанр пазначаны, для тупых: «Альтернатыўная
гісторыя!» А галоўнае, тэма ня проста актуальная, а нават месцамі
і балючая.
Якімі месцамі? Эрагеннымі зонамі нацыяналізму і геапалітыкі, вядома.
Ды і назва ў кніжкі ўдалая, выразная… Штопраўда, прабяжыш вачыма гэтыя
тры словы: «Московскій автономный округ», і трэба зрабіць пэўнае
намаганьне, каб улавіць іронію аўтара. Але тут ужо ня аўтар вінаваты,
а мы: усе вытворныя ад слова «Масква» мы заўжды ўспрымаем занадта
сур’ёзна. На Маскву мы пазіраем, у залежнасьці ад арыентацыі,
то гняўліва, то зайздросьліва і пажадна, то са страхам. Аўтар «Округа»
глядзіць на яе іранічна і крыху звысака, як сапраўдны чукча. Далібог,
нам ёсьць чаму ў яго павучыцца.»
Далей: http://lohvinau.by/бывай-мургін-нутэнут-або-літоўскі-сэк/
Aucun commentaire:
Enregistrer un commentaire